1440 milljóna árlegar tekjur af ferðamönnum í Dröfn Hansaborg?

Svona myndi lyftibrúin í Dröfn Hansaborg líta út. Mynd frá Amsterdam.

1440 milljónir í tekjur af ferðamönnum á ári?

Fjöldi erlendra ferðamanna á Íslandi árið 2013 var um 800 þúsund manns (skýrsla Arionbanka, bls. 6).  Hver ferðamaður eyddi að jafnaði um 120 þúsund krónur þann tíma sem hann dvaldi á landinu.

Það má leika sér með þessar tölur á margvíslegan máta.  Ef við gefum okkur þær forsendur að  15% ferðamanna heimsæki Dröfn Hansaborg og eyði að jafnaði 10% af því sem þeir eyða í landinu lítur dæmið svona út:

800.000 ferðamenn x 0,15 = 120.000 ferðamenn sem eyða sem nemur 120.000 x 0,10 = 12.000 krónum hver, alls yrðu tekjurnar yfir árið um  1.440.000.000 krónur.  1,4 milljarðar króna sem myndu renna í vasa okkar bæjarbúa á hverju ári.  Til viðbótar má reikna með “ruðningsáhrifum” því ferðamennirnir munu væntanlega skoða afganginn af okkar fallega bæ.

Heimildir:

Skýrsla Arion banka um ferðamenn á Íslandi, 2014. Sjá töflu bls. 6 og 18 um meðaleyðslu pr ferðamann meðan hann dvelur í landinu (heildareyðsla). Skjalið opnast í sér glugga.  https://www.arionbanki.is/library/Skrar/Frettir/Ekkert%20l%C3%A1t%20%C3%A1%20komum%20fer%C3%B0amanna.pdf