Grandakanall – slagæð Hansaborgarinnar

Grandakanall (enska: Grand Canal?) er vísun til Háagranda og langa álsins frá firðinum inn í Hvaleyrarlónið.  Á teikningunni fyrir neðan sést kanallinn, D er þar sem hann opnast út í smábátahöfnina, C er fyrir framan stóra borgarhliðið sem snýr að miðbæ Hafnarfjarðar.  A, B og C eru “sjávartorg”, þar verður hægt að snúa bátum og um leið gefa þau kanalnum opnara yfirbragð.

Grandakanall slagæð Hansaborgarinnar

10 metra breiður, 150 metra langur og stöðugt sjávarborð

• Grandakanall verður 10 metra breiður og um 150 metra langur (A til C).
• Afstöðumyndin fyrir neðan (smelltu til að sjá stærri mynd) sýnir vel legu kanalsins.  Á myndinni þar fyrir neðan, af módelinu, sést kanallinn í réttum hlutföllum við byggingarnar.

Dröfn Hansaborg eins og hún liti út á korti, sett yfir kort af Drafnarsvæðinu

Myndin fyrir neðan sýnir módelið sem LJG gerði til að setja hlutina í rétt hlutföll.  Þú getur byggt þér þína eigin Hansaborg (sjá hér)!

Dröfn Hansaborg, Grandakanall, horft í átt til miðbæjar

• Grandakanall verður mest 20 m breiður við sjávartorgin (A, B, C)
• Það verða 8 metra breiðar gangstéttar meðfram Grandakanalnum beggja vegna, alls verður bilið milli húsa sitthvorum megin síkisins 26 metrar.
• Á gangstéttunum rúmast útikaffihús, bekkir fyrir íbúa og ferðamenn, hjólastatív, myndarleg tré.
• Engin bílaumferð verður leyfð inni í Hansaborginni meðfram Grandakanal, eingöngu gangandi og hjólandi umferð.
• Grandakanall mun tengjast smábátahöfninni þar sem dráttarbrautin er núna (D).
• Dýpt kanalsins verður jöfn mesta mun á flóði og fjöru, þannig að á stórstraumsfjöru verður hægt að tæma kanalinn.  Sjávarhæð verður haldið jafnri með flóðgáttunum (E á mynd fyrir neðan) undir lyftibrúnni og þær verða opnaðar og brúnni lyft á háflóði tvisvar á sólarhring.  Annar möguleiki væri að hafa tvöfaldan vatnslás til að leyfa umferð allan sólarhringinn óháð sjávarstöðu í smábátahöfninni.

Lyftibrú og vatnslás í Grandakanalnum

Lyftibrú og flóðgátt

• Þar sem kanallinn opnast út í höfnina verður lyftibrú með vatnslás eða flóðgátt (E), flóðgáttin verður einungis opnuð á háflóði þegar sjávarborð hafnarinnar er jafnt yfirborði kanalsins.  Myndin fyrir neðan sýnir módel af slíkri lyftibrú.

Lyftibrúin og vatnslásinn við enda kanalsins þar sem hann opnast útí smábátahöfnina.

• Það verða mánalaga tröppur niður að sjávartorgunum (A, B og C) og þar sem höfnin er nú orðin hrein og tær væri hægt að fara í sjóböð í Grandakanalnum!
• Á sumrin verður báta- og kajakaleiga á vegum siglingaklúbbsins við síkið og ferðamannabátar munu sigla frá Hansaborginni um Hafnarfjörðinn, til Álftaness og yfir í Fjörukrána…
• Reynt verður að skapa sama lífríki og er í höfninni, íbúarnir munu geta dorgað við bakkann!
• Íbúarnir munu geta geymt bátana sína við “kajann”, siglingaklúbburinn mun geta geymt skúturnar sínar í síkinu yfir veturinn.

Í stuttu máli, lífræn og mannvæn byggð með óteljandi möguleika fyrir bæði íbúa og ferðamenn.